सातै प्रदेशका मुख्यमन्त्रीहरू आज हेटौँडामा भेला हुँदै

संविधानमा व्यवस्था भएको तहगत अधिकारका बारेमा छलफल गर्न सातै प्रदेशका मुख्यमन्त्रीहरू आज हेटौँडामा भेला हुँदै छन् । आज र भोली हुने कार्यक्रममा सातै प्रदेशका प्रमुख सचिव, मुख्य न्यायधिवक्ता, गाउँपालिका राष्ट्रिय महासङ्घ, नेपाल नगरपालिका सङ्घका पदाधिकारीहरूको सहभागिता रहने छ । संविधानमा व्यवस्था भएको प्रदेश र स्थानीय सरकारको अधिकारका बाँडफाँडमा समस्या देखिएको समयमा छलफल र संविधान कार्यान्वयनका लागि आवश्यक सुझाव दिने उद्देश्यसहित भेला आयोजना गरिएको हो । छलफलपछि भोली साझा प्रतिवेदनसमेत अनुमोदन गर्ने कार्यक्रम रहेको छ ।