एमालेको सचिवालय बैठक आज च्यासलमा बस्दै

२२ कात्तिक, बुधबार ।
नेकपा एमालेको सचिवालय बैठक केन्द्रीय कार्यालय च्यासलमा आज बस्दैछ । बुधबार मध्यान्ह सवा १२ बजे सुरु हुने गरी सचिवालय बैठक बोलाइएको केन्द्रीय कार्यालय सचिव डा.भिष्म अधिकारीले जानकारी दिनुभयो । उहाँकाअनुसार आगामी मङ्सिरमा हुने केन्द्रीय कमिटीको बैठकको एजेण्डा तय गर्ने, मध्यपहाडी लोकमार्ग भएर सञ्चालन हुने अभियानको कार्यक्रम तय गर्ने लगायतबारे छलफल गर्न बैठक बोलाइएको हो । एमालेले आउँदो मङ्सिरमा धनगढीमा केन्द्रीय कमिटी बैठक गरी त्यसलगत्तै मध्य पहाडी लोकमार्ग भएर अभियान सञ्चालन गर्ने जनाएको छ ।