सिंहदरबारमा सीसीएमसी निर्देशक समितिको बैठक बस्दै

२६ असार / काठमाडौं
कोभिड–१९ क्राइसिस म्यानेजमेन्ट सेन्टरको निर्देशक समितिको बैठक आज सिंहदरबारमा बस्दैछ । संक्रमणको अवस्थाबीच यातायात सेवा सुरु गरेपछि आउन सक्ने चुनौतिबारे बैठकमा छलफल हुने भनिएको छ । शुक्रबार अपरान्ह ४ बजे प्रधानमन्त्री तथा मन्त्रिपरिषदको कार्यालयमा बैठक बस्न लागेको हो ।साथै, आन्तरिक हवाई सेवा सञ्चालनबारे पनि छलफल हुनसक्ने भनिएको छ । यसअघि छाउनीस्थित सीसीएमसी–अप्सको कार्यालयमा बैठक बस्ने गरेको थियो । तर, विरोध भएपछि मन्त्रीहरु रहेको निर्देशक समितिको बैठक सिंहदरबारमै राख्न थालिएको छ ।