चन्द्रनगर पोलिटेक्निक इन्स्टिच्युट सञ्चालनमा

सर्लाही, २ पुस /चन्द्रनगर गाउँपालिका र सिटीइभीटीको संयुक्त साझेदारीमा चन्द्रनगर पोलिटेक्निक इन्स्टिच्युट सञ्चालनमा आएको छ । चन्द्रनगर गाउँपालिकाको बबरगञ्जस्थित श्री दुर्गा खोभारी माध्यमिक विद्यालय भवनमा इन्स्टिच्युट सञ्चालनमा ल्याइएको छ । आफ्नो भवन नभएसम्म विद्यालयको भवनमा कक्षा सञ्चालनमा ल्याइने बताइएको छ ।

इन्स्टिच्युटमा अहिले तीनवर्षे सिभिल इञ्जिनीयरिङ र सूचना प्रविधिको पढाइ हुने गाउँपालिकाका प्रमुख प्रशासकीय अधिकृत टेकप्रसाद भट्टराईले जानकारी गराउनुभयो । इञ्जिनीयरिङ र सूचना प्रविधिको पढाइ गाउँपालिकामा शुरु भएपछि यस क्षेत्रका विद्यार्थीलाई सहज भएको गाउँपालिका अध्यक्ष महेन्द्र महतोले जानकारी दिनुभयो । “पोलिटेक्निक इन्स्टिच्युट सञ्चालमा आएपछि आर्थिक अवस्था न्यून भएका तथा महिलालाई पढ्न सजिलो भएको छ”, अध्यक्ष महतोले भन्नुभयो, “अब कम खर्चमा यहाँका विद्यार्थीले गुणस्तरीय शिक्षा पाउनेछन् ।”

Leave a Reply

Your email address will not be published. Required fields are marked *