राजपा भित्रको विबाद कायमै , जिल्ला अधिवेशन मङ्सिर ५मा

राकेश यादव , रौतहट
राष्ट्रिय जनता पार्टी नेपाल रौतहटको जिल्ला कार्य समिति गठनको विषयमा उत्पन्न भएको विबाद समाधान नहुँदै जिल्ला अधिवेशनको मतदान हुने कार्यक्रम सार्वजनिक गरिएको छ ।
जिल्ला सम्मलेन गराउने अधिकार प्रत्यायोजन गरिएको जिल्ला पर्यवेक्षक सुनील रोहितले सहमतिकोलागि दिइएको समयमा सहमति हुन नसकेको कारण मतदानको समय निर्धारण गरिएको प्रेस विज्ञप्ति मार्फत जानकारी गराएका छन ।
जिल्ला पर्यवेक्षकको रुपमा आएका रोहित संघीय सांसद अनिल कुमार झाको नातेदार रहेको बुझिएको छ । ४ जना जिल्ला अध्यक्षहरु असहमत रहेका बेला सांसद झा पक्षधरले जिल्ला अधिवेशनको लागि बहुमत सदस्यको आड लिदै निर्वाचनको कार्यक्रम तय गरेका छन ।


पर्यवेक्षक रोहितले जारी गरिएको विज्ञप्तिमा कार्तिक ३० गते सहमति खोज्नकालागि दिइएको अधिकतम समय वितिसक्दा पनि सहमति हुन नसकेकोले जिल्ला सम्मलेनको बहुमत सदस्यको विचारबाट लोकतान्त्रिक पद्दति निर्वाचन गर्नु पर्ने भएकोले मतदानको कार्यक्रम सार्वजानिक गरिएको जिकिर गरिएको छ ।
कति संख्यामा बहुमत प्रक्रिया लागू गरिएको भनी उल्लेख नगरिएको भए पनि २८४ जिल्ला अधिवेशन प्रतिनिधि मध्ये ५० प्रतिसत भन्दा बढि सदस्य असंतुष्ट पक्षमा रहेकाछन । मङ्सिर २ गते देखि मतदान प्रक्रिया शुरू ३ गते १ बजे जिल्ला प्रतिनिधि , केंद्रीय सदस्य लगायतका नेताहरुको आग्रहमा स्थगित गरिएको विज्ञप्तिमा उल्लेख गरिएको छ ।
जिल्ला अधिवेशनको मङ्सिर ५ गते विहिवार १० बजे देखि २ बजे सम्म हुने समय निर्धारण गरिएको छ ।

Leave a Reply

Your email address will not be published. Required fields are marked *